Question 1

តើខ្ញុំអាចធ្វើតេស្តបានគ្រប់ផ្នែកក្នុងថ្ងៃតែមួយបានទេ?

Accepted Answer

តេស្តផ្នែកការស្តាប់ ការអាន និងការសរសេរ ត្រូវធ្វើភ្លាមៗបន្ទាប់ពីបានបញ្ចប់ផ្នែកនីមួយៗនៅថ្ងៃតែមួយ។ នៅតាមមជ្ឈមណ្ឌលធ្វើតេស្តមួយចំនួន អ្នកនឹងអង្គុយធ្វើតេស្តការនិយាយនៅថ្ងៃដដែល ឬរហូតដល់ 7 ថ្ងៃមុន ឬក្រោយកាលបរិច្ឆេទធ្វើតេស្តរបស់អ្នក។
ប្រសិនបើអ្នកធ្វើIELTS ដែលធ្វើតេស្តតាមកុំព្យូទ័រ ការធ្វើតេស្តនិយាយនឹងត្រូវធ្វើឡើងនៅថ្ងៃដដែល អាចមុនឬក្រោយតេស្តទាំងបីនោះ។

Question 2

តើខ្ញុំអាចធ្វើឲ្យមន្ត្រីរៀបចំការប្រឡងសើចពេលធ្វើតេស្តការនិយាយរបស់ខ្ញុំ ហើយទទួលបានពិន្ទុខ្ពស់ឬទេ?

Accepted Answer

ការញញឹមអាចជួយឲ្យអ្នកមានអារម្មណ៍ស្ងប់ដែលអាចជួយឲ្យអ្នកធ្វើបានល្អជាងមុន។ ទោះយ៉ាងណាក៏ដោយ ប្រសិនបើអ្នកញញឹមឬសើចខ្លាំងពេក វាប្រហែលជាមិនសមនឹងប្រធានបទដែលអ្នកកំពុងពិភាក្សានោះទេ។ មន្ត្រីរៀបចំការប្រឡងទាំងអស់ត្រូវបានបណ្តុះបណ្តាល និងតាមដានយ៉ាងយកចិត្តទុកដាក់ដើម្បីឲ្យមានភាពយុត្តិធម៌ចំពោះបេក្ខជនគ្រប់រូប និងវាយតម្លៃកម្រិតភាសាអង់គ្លេសរបស់អ្នក។ អ្នកប្រឡងនឹងមិនផ្តល់ឱ្យអ្នកនូវពិន្ទុតិច ឬច្រើនទេ ប្រសិនបើអ្នកញញឹមនិងសើច។ វាជាការល្អបំផុតក្នុងការព្យាយាម និងសម្រាកឲ្យបានច្រើនតាមដែលអ្នកអាច និងប្រាស្រ័យទាក់ទងតាមបែបធម្មជាតិ។

Question 3

តើមានអ្វីកើតឡើងនៅក្នុងតេស្តការនិយាយ IELTS ?

Accepted Answer

តេស្តការនិយាយគឺជាការពិភាក្សាជាមួយមន្រ្តីរៀបចំការប្រឡង IELTS ដែលមានគុណវុឌ្ឍដែលវាយតម្លៃសមត្ថភាពរបស់អ្នកក្នុងការនិយាយអំពីប្រធានបទជាច្រើន។ តេស្តការនិយាយមានបីផ្នែក ហើយត្រូវបានកត់ត្រាទុក។ ការពិពណ៌នាអំពីផ្នែកទាំងបីនៃការសម្ភាសមាននៅក្នុងសៀវភៅព័ត៌មានសម្រាប់បេក្ខជន។

Question 4

តើការសង្កត់សំលេងអ្វីខ្លះដែលអាចស្តាប់ឮនៅក្នុងតេស្តការស្តាប់ និងការនិយាយ?

Accepted Answer

ដោយសារ IELTS គឺជាតេស្តអន្តរជាតិ សំលេងផ្សេងគ្នា និងការសង្កត់សំលេងរបស់អ្នកនិយាយជាភាសាកំណើត ត្រូវបានប្រើទាំងក្នុងតេស្តនៃការបណ្តុះបណ្តាលទូទៅ និងតេស្តសម្រាប់ការសិក្សា។

Question 5

តើខ្ញុំត្រូវនិយាយដោយប្រើការសង្កត់សំឡេងណាមួយនៅក្នុងតេស្តការនិយាយ IELTS របស់ខ្ញុំឬទេ?

Accepted Answer

មនុស្សគ្រប់រូបនិយាយដោយការសង្កត់សំឡេងរបស់ខ្លួនឯង ហើយអ្នកមិនត្រូវបានរំពឹងថានឹងផ្លាស់ប្តូរការសង្កត់សំឡេងរបស់អ្នកសម្រាប់តេស្ត IELTS នោះទេ។ ផ្ទុយទៅវិញ ត្រូវផ្តោតលើការនិយាយឲ្យបានច្បាស់ និងបែបធម្មជាតិដើម្បីឲ្យមន្រ្តីរៀបចំការប្រឡងអាចយល់អ្នកបាន។ ការអនុវត្តភាសាអង់គ្លេសរបស់អ្នកជារៀងរាល់ថ្ងៃ និងស្តាប់ការសង្កត់សំឡេងជនជាតិដើមផ្សេងៗគ្នានឹងជួយអ្នកក្នុងការបញ្ចេញសំឡេងដែលពិបាកបានកាន់តែច្បាស់។

Question 6

តើខ្ញុំត្រូវយកអ្វីទៅជាមួយសម្រាប់តេស្តការនិយាយរបស់ខ្ញុំ?

Accepted Answer

អ្នកត្រូវតែយកមកជាមួយនូវលិខិតឆ្លងដែន ឬអត្តសញ្ញាណប័ណ្ណជាតិដដែល ដែលអ្នកធ្លាប់បានប្រើដើម្បីកក់តេស្ត IELTS របស់អ្នក។ អត្តសញ្ញាណបណ្ណរបស់អ្នកនឹងត្រូវបានត្រួតពិនិត្យ មុនពេលអ្នកចូលបន្ទប់សម្ភាសន៍ និងពិនិត្យម្តងទៀតក្នុងពេលសម្ភាសន៍។

Question 7

តើខ្ញុំនឹងបាត់ពិន្ទុទេ ប្រសិនបើទស្សនៈរបស់ខ្ញុំខុសពីទស្សនៈរបស់មន្ត្រីរៀបចំការប្រឡង?

Accepted Answer

នៅក្នុងការប្រឡងការសរសេរ និងការនិយាយរបស់អ្នក មិនមានទស្សនៈត្រឹមត្រូវ ឬខុសទេនោះ។ មន្ត្រីរៀបចំការប្រឡងកំពុងវាយតម្លៃអំពីរបៀបអ្នកអាចប្រើភាសាអង់គ្លេសរបស់អ្នក ដើម្បីរាយការណ៍ព័ត៌មាន និងបញ្ចេញគំនិត។

Question 8

តើយើងគួររំពឹងទទួលបានប្រធានបទដែលទាក់ទងនឹងជំងឺកូវីដ-19 សម្រាប់តេស្តការនិយាយ និងការសរសេរដែរឬទេ?

Accepted Answer

ទេ មិនមែនជាផ្នែកនៃសំណួរទេ។  ទោះយ៉ាងណានេះក្តី ប្រធានបទនៅក្នុងតេស្តការនិយាយ និងតេស្តការសរសេរ IELTS អាចទាក់ទងនឹងសុខភាព ដូច្នេះអ្នកអាចជំងីកូវីដ-19 ជាឧទាហរណ៍បាន ប្រសិនបើអ្នកចង់ប្រើ។

Question 9

តើខ្ញុំអាចសុំឲ្យមន្ត្រីរៀបចំការប្រឡងសួរសំណួរម្តងទៀតបានទេ ប្រសិនបើខ្ញុំមិនយល់សំណួរនេះជាលើកដំបូង?

Accepted Answer

បាទ/ចា៎ស អ្នកអាចសុំឲ្យមន្ត្រីរៀបចំការប្រឡងសួរសំណួរម្តងទៀតនៅក្នុងតេស្តការនិយាយ IELTS។  អ្នកក៏អាចសុំការបំភ្លឺបានដែរ ប្រសិនបើអ្នកមិនយល់ពាក្យ ឬអ្វីដែលពួកគេព្យាយាមសួរ។

Question 10

តើមន្រ្តីរៀបចំការប្រឡងដឹងថាខ្ញុំមកពីប្រទេសណាទេ? តើមន្រ្តីរៀបចំការប្រឡងដាក់់ពិន្ទុឲ្យខ្ញុំផ្អែកលើការសង្កត់សំឡេងរបស់ខ្ញុំមែនទេ?

Accepted Answer

ចំពោះតេស្តនិយាយ IELTS មន្រ្តីរៀបចំការប្រឡងដឹងថាអ្នកមកពីណា ពីព្រោះពួកគេស្នើសុំលិខិតឆ្លងដែនរបស់អ្នក។  ពួកគេក៏អាចសួរអ្នកថាតើអ្នកមកពីណា ប៉ុន្តែវានឹងមិនប៉ះពាល់ដល់ពិន្ទុរបស់អ្នកទេ។  ការសង្កត់សំឡេងមិនមែនជាបញ្ហាទេ ដរាបណាអ្នកមិនមានលក្ខណៈធម្មជាតិមួយចំនួននៃភាសាអង់គ្លេសដូចជាសំឡេង ឬការរណ្តាំ។

Question 11

តើអ្វីជាវិធីល្អបំផុតដើម្បីរៀនពាក្យអង់គ្លេសជនជាតិដើម?

Accepted Answer

ដើម្បីបង្ហាញការយល់ដឹងស៊ីជម្រៅនៃពាក្យ សូម្បីតែពាក្យសាមញ្ញ ត្រូវកត់ចំណាំពាក្យដែលអ្នកបានឮ ឬឃើញ។  កត់ចំណាំអំពីបរិបទដែលពួកវាត្រូវបានប្រើ និងរបៀបដែលវាត្រូវបានប្រើ។  បន្ទាប់មកប្រើវាឱ្យបានច្រើនតាមដែលអាចធ្វើបានតាមការនិយាយផ្ទាល់ខ្លួនរបស់អ្នក។

Question 12

តើខ្ញុំត្រូវប្រើរយៈពេលពីរនាទីពេញចំពោះតេស្តនិយាយ IELTS ផ្នែកទី 2 ?

Accepted Answer

នៅផ្នែកទី 2 នៃតេស្តនិយាយ IELTS មន្ត្រីរៀបចំការប្រឡងនឹងបញ្ឈប់អ្នកនៅក្នុងរយៈពេល 2 នាទី។  នេះជារឿងល្អព្រោះអ្នកបានបង្ហាញភាសាជាច្រើន។  ប្រសិនបើអ្នកនិយាយតែមួយនាទី ឬមួយនាទីកន្លះ ឧទាហរណ៍ មន្រ្តីរៀបចំការប្រឡងអាចនិយាយថា "តើអ្នកអាចប្រាប់ខ្ញុំបន្ថែមទៀតអំពីរឿងនោះបានទេ?" ដើម្បីលើកទឹកចិត្តអ្នកឲ្យបន្តការនិយាយ។

Question 13

តើនរណានឹងកែពិន្ទុតេស្តការសរសេររបស់ខ្ញុំ? តើជាមន្ត្រីកំណែដដែល ដែលខ្ញុំបានជួបនៅក្នុងតេស្តការនិយាយរបស់ខ្ញុំមែនទេ?

Accepted Answer

នៅក្នុងតេស្តការនិយាយ IELTS អ្នកដែលដាក់ការប្រឡងឱ្យអ្នកនឹងផ្តល់ពិន្ទុដល់អ្នកនៅពេលអ្នកចាកចេញពីបន្ទប់។  នៅក្នុងតេស្តសរសេរ IELTS មន្ត្រីកំណែម្នាក់នឹងកែចម្លើយកិច្ចការទី 1 របស់អ្នក ហើយមន្ត្រីកំណែមួយផ្សេងទៀតនឹងកែចម្លើយកិច្ចការទី 2 របស់អ្នក។  ពួកគេមិនស្គាល់គ្នា និងអត្តសញ្ញាណរបស់អ្នកទាល់តែសោះ។ ពួកគេក៏មិនដឹងពីពិន្ទុដែលផ្តល់ដោយមន្ត្រីកំណែផ្សេងទៀតដែរ។

Question 14

តើតេស្តការនិយាយត្រូវបានថតទុកទេ? តើវាមានប្រយោជន៍ក្នុងការថតសំលេងខ្លួនឯង នៅពេលអនុវត្តការនិយាយឬទេ?

Accepted Answer

បាទ/ចា៎ស មែនហើយ។ ការថតសំលេងអាចត្រូវបានប្រើដើម្បីស្នើសុំកំណែពិន្ទុ។ គេក៏អាចប្រើវាដើម្បីតាមដានមន្ត្រីកំណែដើម្បីធ្វើឲ្យប្រាកដថា ពួកគេកំពុងបំពេញការងាររបស់ពួកគេបានល្អ។ វាអាចជាគំនិតល្អក្នុងការថតសំលេងខ្លួនអ្នក និងចែករំលែកវាជាមួយអ្នកដែលអ្នកស្គាល់។ ពួកគេអាចកត់សម្គាល់អ្វីមួយអំពីការនិយាយរបស់អ្នកដែលអ្នកមិនបានកត់សម្គាល់។

Question 15

តើខ្ញុំធ្វើឱ្យប្រសើរឡើងនូវភាពស្ទាត់ជំនាញរបស់ខ្ញុំបានដូចម្តេច? តើខ្ញុំគួរព្យាយាមប្រើការសង្កតសំឡេងផ្សេងពីខ្ញុំទេ?

Accepted Answer

ដើម្បីបង្កើនភាពស្ទាត់ជំនាញរបស់អ្នក សូមព្យាយាមអនុវត្តឱ្យបានច្រើនតាមដែលអាចធ្វើទៅបាន។  នៅពេលអ្នកដឹងពាក្យបានកាន់តែច្រើន អ្នកនឹងមិនសូវស្វែងរកពាក្យនោះទេ។  ព្រមទាំងប្រើពាក្យភ្ជាប់ដើម្បីជួយអ្នកឲ្យបន្តទៅមុខទៀត។  បញ្ហាតែមួយគត់ជាមួយនឹងការសង្កត់សំឡេងគឺប្រសិនបើវាបញ្ឈប់អ្នកស្តាប់មិនឱ្យយល់ពីអ្នក។  គ្រាន់តែព្យាយាមបង្កើតសំឡេងជាភាសាអង់គ្លេសដើម្បីឲ្យអ្នកអាចយល់បាន។

Question 16

តើវាមានន័យយ៉ាងដូចម្តេចនៅពេលដែលមន្រ្តីកំណែនិយាយកាត់ខ្ញុំអំឡុងពេលតេស្តការនិយាយ?

Accepted Answer

មន្រ្តីកំណែត្រូវតែរក្សាពេលវេលា និងត្រូវប្រាកដថាពួកគេផ្លាស់ទៅប្រធានបទបន្ទាប់។ នេះជាសញ្ញាល្អព្រោះវាមានន័យថាអ្នកកំពុងផ្តល់នូវភាសាជាច្រើន។ នេះជារឿងល្អសម្រាប់ពិន្ទុភាពស្ទាត់ជំនាញរបស់អ្នក។

Question 17

តើខ្ញុំគួរធ្វើដូចម្តេច ប្រសិនបើខ្ញុំមិនមានរឿងរ៉ាវណាមួយដើម្បីឆ្លើយសំណួរតេស្តការនិយាយ?

Accepted Answer

អ្នកមិនត្រូវបានរំពឹងទុកថានឹងមានបទពិសោធដើម្បីឆ្លើយសំណួរនោះទេ។  និយាយពីមូលហេតុដែលអ្នកមិនមានបទពិសោធនោះ។  ព្យាយាមនិយាយជុំវិញប្រធានបទ។

Question 18

ប្រសិនបើខ្ញុំប្រើគ្រៀមភាសាច្រើនក្នុងតេស្តការនិយាយ តើវាអាចបង្កើនពិន្ទុនិយាយរបស់ខ្ញុំដែរឬទេ?

Accepted Answer

ការប្រើប្រាស់គ្រៀមភាសាក្នុងតេស្តការនិយាយ IELTS អាចមានប្រយោជន៍ ប៉ុន្តែត្រូវប្រយ័ត្នព្រោះ គ្រៀមភាសាពិបាកប្រើ ហើយមិនងាយស្តាប់តាមបែបធម្មជាតិទេ។  ត្រូវប្រាកដថា អ្នកចេះប្រើវាបានត្រឹមត្រូវ។

Question 19

តើខ្ញុំត្រូវបានអនុញ្ញាតឲ្យសុំមន្ត្រីរៀបចំការប្រឡងការនិយាយដូរប្រធានបទផ្សេងបានដែរឬទេ?

Accepted Answer

ទេ មិនបានទេ ប៉ុន្តែវាមិនជាបញ្ហានោះទេ ប្រសិនបើអ្នកមិនមានបទពិសោធផ្ទាល់ខ្លួនអំពីសំណួរនោះ។  គ្រាន់តែរៀបរាប់ថា អ្នកមិនមានបទពិសោធន៍នេះ និងធ្វើការពិចារណា។

Question 20

តើវានឹងប៉ះពាល់ដល់ពិន្ទុរបស់ខ្ញុំដែរឬទេ ប្រសិនបើខ្ញុំមិនអាចនិយាយបានពីរនាទីក្នុងផ្នែកទី 2 នៃតេស្តការនិយាយរបស់ខ្ញុំ?

Accepted Answer

អត់ទេ ពីព្រោះមន្ត្រីកំណែនឹងស្នើឲ្យអ្នកនិយាយច្រើនជាងនេះ។ ត្រូវប្រាកដថាអ្នកធ្វើកំណត់ចំណាំបានល្អ។  គ្រាន់តែសរសេរប្រហែល 10 ពាក្យសំខាន់ៗ ហើយព្យាយាមនិយាយប្រហែល 15 វិនាទីលើពាក្យគន្លឹះនីមួយៗ។

តេស្តការនិយាយ នៃតេស្ត IELTS

Ask IELTS

ដំណឹង និងអត្ថបទដែលបានចុះផ្សាយ