Question 1

តើខ្ញុំអាចនឹងបំពេញតេស្ត IELTS នៅក្នុងលំដាប់ណា?

Accepted Answer

ប្រសិនបើអ្នកប្រឡង IELTS ដែលធ្វើតេស្តតាមកុំព្យូទ័រ អ្នកនឹងធ្វើតេស្តតាមលំដាប់ដូចខាងក្រោមនៅថ្ងៃតែមួយ៖ តេស្តការស្តាប់ ការអាន និងការសរសេរ ដោយត្រូវធ្វើតេស្តការស្តាប់មុន ឬក្រោយបញ្ចប់ម៉ោងធ្វើតេស្ត។
ប្រសិនបើអ្នកធ្វើតេស្ត IELTS ប្រឡងលើក្រដាស អ្នកត្រូវធ្វើតេស្តតាមលំដាប់ដូចខាងក្រោម៖ ការសរសេរ ការអាន និង ការស្តាប់។ អាស្រ័យលើមណ្ឌលប្រឡង តេស្តការនិយាយអាចធ្វើបាននៅថ្ងៃតែមួយ ឬរហូតដល់ 7 ថ្ងៃ អាចទាំងមុន ឬក្រោយកាលបរិច្ឆេទធ្វើតេស្ត។

Question 2

តើខ្ញុំត្រូវសរសេរដោយប្រើខ្មៅដៃសម្រាប់ IELTS ប្រឡងលើក្រដាសឬទេ?

Accepted Answer

ខ្មៅដៃត្រូវបានណែនាំឲ្យប្រើសម្រាប់តេស្តការស្តាប់ ការអាន និងការសរសេរ IELTS ។ នេះដោយសារតែការធ្វើតេស្តត្រូវបានស្កេន ហើយដំណើរការល្អបំផុតដោយប្រើខ្មៅដៃ។ វាក៏មានន័យថា អ្នកអាចលុប និងសរសេរពាក្យឡើងវិញបានយ៉ាងងាយស្រួល។ ប្រសិនបើអ្នកភ្លេចយកខ្មៅដៃ មជ្ឈមណ្ឌលធ្វើតេស្តនឹងផ្តល់ជូនមួយសម្រាប់អ្នក។​​នថ

Question 3

តើខ្ញុំអាចធ្វើគ្រប់ផ្នែកនៃតេស្ត IELTS នៅលើកុំព្យូទ័របានទេ?

Accepted Answer

ប្រសិនបើអ្នកធ្វើតេស្ត IELTS ដែលធ្វើតេស្តតាមកុំព្យូទ័រ នោះផ្នែកការអាន ការសរសេរ និងការស្តាប់នៃតេស្ត IELTS ត្រូវធ្វើនៅលើកុំព្យូទ័រប៉ុន្តែតេស្តការនិយាយត្រូវធ្វើឡើងដោយផ្ទាល់ជាមួយមន្ត្រីរៀបចំការធ្វើតេស្ត IELTS។

Question 4

តើខ្ញុំអាចកែលម្អលំដាប់ពិន្ទុការសរសេររបស់ខ្ញុំដោយរបៀបណា?

Accepted Answer

អានលក្ខណៈវិនិច្ឆ័យនៃការវាយតម្លៃដែលបានប្រើសម្រាប់ការធ្វើតេស្តសរសេរនៃតេស្តសម្រាប់ការសិក្សា និងតេស្តនៃការបណ្តុះបណ្តាលទូទៅដោយយកចិត្តទុកដាក់មុនថ្ងៃធ្វើតេស្ត។ មន្រ្តីរៀបចំការប្រឡងនឹងវាយតម្លៃការសរសេររបស់អ្នកដោយផ្អែកលើលក្ខណៈវិនិច្ឆ័យបួនសម្រាប់កិច្ចការទី 1 និងកិច្ចការទី 2 ។
សូមចាំថា កិច្ចការសរសេរទី 2 មានតម្លៃទ្វេដងនៃពិន្ទុច្រើនដូចកិច្ចការទី 1 ដែរ។ អ្នកអាចកែលម្អលំដាប់ពិន្ទុសរសេររបស់អ្នកដោយការអនុវត្ត។ ទំព័រព័ត៌មាន និងអត្ថបទ របស់យើងមានការណែនាំ និងគន្លឹះទូលំទូលាយដើម្បីជួយអ្នកត្រៀម និងពង្រឹងជំនាញភាសាអង់គ្លេសរបស់អ្នក។

Question 5

តើខ្ញុំអាចសរសេរចម្លើយរបស់ខ្ញុំជាអក្សរធំបានទេ?

Accepted Answer

បាន អ្នកអាចប្រើអក្សរធំទាំងអស់នៅក្នុងផ្នែកតេស្តការអាន និងតេស្តការស្តាប់ IELTS ។ ប្រសិនបើអ្នកប្រើអក្សរធំនៅក្នុងផ្នែកការសរសេរ ត្រូវប្រាកដថាសញ្ញាវណ្ណយុត្តិរបស់អ្នកត្រឹមត្រូវ ហើយមន្ត្រីរៀបចំការប្រឡងអាចមើលឃើញកន្លែងដែលអ្នកចាប់ផ្តើម និងបញ្ចប់ប្រយោគ។

Question 6

ហេតុអ្វីប្រធានបទតេស្តការអាន និងការសរសេរពិបាកខ្លាំង?

Accepted Answer

រាល់តេស្តរបស់ IELTS ត្រូវបានផលិត និងសាកល្បងដោយយកចិត្តទុកដាក់ដើម្បីធានាបាននូវកម្រិតនៃការលំបាកដូចគ្នាសម្រាប់គ្រប់កំណែតេស្តទាំងអស់។ យើងចង់ឲ្យអ្នកធ្វើតេស្ត IELTS ទាំងអស់មានសមត្ថភាពភាសាអង់គ្លេសពិតដែលឆ្លុះបញ្ចាំងពីលទ្ធផលរបស់ពួកគេ ដែលនេះជាមូលហេតុដែលយើងផ្តល់ជូននូវឧបករណ៍ឥតគិតថ្លៃ និងបង់ថ្លៃជាច្រើនដើម្បីជួយអ្នកអនុវត្ត និងត្រៀមខ្លួន។ ពិនិត្យមើលឧបករណ៍ត្រៀមរបស់យើងសម្រាប់ព័ត៌មានជំនួយ និងដំបូន្មាន ដូច្នេះអ្នកអាចរៀបចំខ្លួនបានទាន់ពេលវេលាសម្រាប់កាលថ្ងៃធ្វើតេស្តរបស់អ្នក។

Question 7

តើខ្ញុំនឹងទទួលបានពិន្ទុបន្ថែមទេ ប្រសិនបើខ្ញុំសរសេរលើសពីដែនកំណត់នៃពាក្យក្នុងតេស្តការសរសេរនោះ?

Accepted Answer

ដែនកំណត់ពាក្យជាអប្បបរមាមានសារៈសំខាន់ណាស់ ហើយអ្នកត្រូវសរសេរយ៉ាងហោចណាស់ឲ្យបាន 150 ពាក្យ សម្រាប់កិច្ចការសរសេរ ទី 1 និងយ៉ាងតិចឲ្យបាន 250 ពាក្យសម្រាប់កិច្ចការសរសេរ ទី 2 ។
ប្រសិនបើអ្នកសរសេរតិចជាងនេះ អ្នកនឹងមានគំនិតតិចជាងមុន ហើយអាចនឹងបាត់បង់ពិន្ទុ។ ទោះជាយ៉ាងណានេះក្តី ប្រសិនបើអ្នកសរសេរបានច្រើន នេះមិនមានន័យថា អ្នកនឹងទទួលបានពិន្ទុទេ។ អ្វីដែលសំខាន់ជាងនេះគឺថា អ្នកត្រូវប្រើភាសាអង់គ្លេសបានត្រឹមត្រូវ វេយ្យាករណ៍សមស្រប និងវាក្យស័ព្ទ និងសំណង់ប្រយោគបានច្រើន។

Question 8

តើខ្ញុំនឹងបាត់ពិន្ទុទេ ប្រសិនបើទស្សនៈរបស់ខ្ញុំខុសពីទស្សនៈរបស់មន្ត្រីរៀបចំការប្រឡង?

Accepted Answer

នៅក្នុងការប្រឡងការសរសេរ និងការនិយាយរបស់អ្នក មិនមានទស្សនៈត្រឹមត្រូវ ឬខុសទេនោះ។ មន្ត្រីរៀបចំការប្រឡងកំពុងវាយតម្លៃអំពីរបៀបអ្នកអាចប្រើភាសាអង់គ្លេសរបស់អ្នក ដើម្បីរាយការណ៍ព័ត៌មាន និងបញ្ចេញគំនិត។

Question 9

តើយើងគួររំពឹងទទួលបានប្រធានបទដែលទាក់ទងនឹងជំងឺកូវីដ-19 សម្រាប់តេស្តការនិយាយ និងការសរសេរដែរឬទេ?

Accepted Answer

ទេ មិនមែនជាផ្នែកនៃសំណួរទេ។  ទោះយ៉ាងណានេះក្តី ប្រធានបទនៅក្នុងតេស្តការនិយាយ និងតេស្តការសរសេរ IELTS អាចទាក់ទងនឹងសុខភាព ដូច្នេះអ្នកអាចជំងីកូវីដ-19 ជាឧទាហរណ៍បាន ប្រសិនបើអ្នកចង់ប្រើ។

Question 10

តើចំនួនពាក្យអតិបរមាប៉ុន្មានដែលយើងគួរសរសេរក្នុងកិច្ចការសរសេរទី 1 និងកិច្ចការសរសេរទី 2?

Accepted Answer

នេះខុសគ្នាពីមនុស្សម្នាក់ទៅមនុស្សម្នាក់ព្រោះអ្នកខ្លះសរសេរបានឆាប់រហ័ស។  មិនមានចំនួនពិតប្រាកដទេ ប៉ុន្តែប្រហែលជា 180 ពាក្យសម្រាប់កិច្ចការទី 1 និង 280 ពាក្យសម្រាប់កិច្ចការទី 2 អាចជាចំណុចល្អ ដរាបណាអ្នកមានពេលវេលាគ្រប់គ្រាន់ដើម្បីត្រលប់ទៅពិនិត្យការងាររបស់អ្នក។

Question 11

តើខ្ញុំនឹងត្រូវពិន័យទេ​ ប្រសិនបើខ្ញុំបញ្ចូលអក្ខរាវិរុទ្ធចក្រភពអង់គ្លេស និងអាមេរិកលាយគ្នានៅក្នុងតេស្តសរសេររបស់ខ្ញុំ?

Accepted Answer

អត់ទេ អ្នកអាចប្រើទាំងភាសាអង់គ្លេសបែបចក្រភពអង់គ្លេស ឬអាមេរិក។ ប្រសិនបើអ្នកប្រើទាំងពីរនៅក្នុងប្រយោគតែមួយវានឹងមិនមានបញ្ហាទេ។

Question 12

តើយើងអាចប្រើបញ្ជីជាលេខដើម្បីគាំទ្រគំនិតរបស់យើងបានទេ?

Accepted Answer

វាមិនមែនជាគំនិតល្អទេក្នុងការប្រើបញ្ជីជាលេខនៅក្នុងការធ្វើតេស្តសរសេរ IELTS ទេ។  ជាការល្អប្រសើរក្នុងការប្រើប្រយោគពេញលេញ ពាក្យភ្ជាប់ និងកថាខណ្ឌដើម្បីបង្ហាញសមត្ថភាពសរសេររបស់អ្នក។

Question 13

តើយើងគួរបង្ហាញការពិភាក្សាវែកញែកទាំងសងខាង ឬត្រឹមតែមួយទេ នៅក្នុងតែងសេចក្តីបែបបញ្ចេញទស្សនៈយោបល់?

Accepted Answer

ប្រសិនបើសំណួរនៅក្នុងតេស្តសរសេរ IELTS តម្រូវឲ្យអ្នកពិភាក្សាអំពីទស្សនៈទាំងពីរ បន្ទាប់មកព្យាយាមផ្តល់ទម្ងន់ស្មើគ្នាដល់ភាគីទាំងពីរ។  ប្រសិនបើសំណួរសួរថាតើអ្នកយល់ព្រមឬអត់ អ្នកមិនចាំបាច់ផ្តល់ទស្សនៈជំទាស់នោះទេ។

Question 14

តើខ្ញុំអាចសរសេរទិដ្ឋភាពទូទៅរបស់ខ្ញុំនៅក្នុងកថាខណ្ឌទីពីរបន្ទាប់ពីការណែនាំបានទេ?

Accepted Answer

នៅក្នុងកិច្ចការសរសេរ ទី 1 នៃតេស្តសរសេរ IELTS មន្ត្រីរៀបចំការប្រឡងគ្រាន់តែត្រូវការមើលទិដ្ឋភាពទូទៅប៉ុណ្ណោះ។  វាមិនមានបញ្ហាអ្វីចំពោះកន្លែងដែលអ្នកដាក់វាទេ ទោះបីជាអ្នកដាក់នៅចុងបញ្ចប់នៃចម្លើយក៏ដោយ។

Question 15

តើខ្ញុំអាចប្រើចម្លើយផ្ទាល់ខ្លួននៅក្នុងកិច្ចការសរសេរ ទី 2 IELTS បានទេ?

Accepted Answer

ឧទាហរណ៍ផ្ទាល់ខ្លួនគឺល្អ ពីព្រោះសំណួរនិយាយថាអ្នកអាចប្រើបទពិសោធន៍ និងចំណេះដឹងផ្ទាល់ខ្លួនរបស់អ្នកបាន។

Question 16

ប្រសិនបើខ្ញុំត្រូវបានស្នើសុំឲ្យផ្តល់ហេតុផលនៅក្នុងការឆ្លើយតបការសរសេរ IELTS តើខ្ញុំអាចផ្តល់ហេតុផលតែមួយបានទេ?

Accepted Answer

ប្រសិនបើពាក្យនៅក្នុងសំណួរមានពហុវចនៈ អ្នកគួរតែផ្តល់ច្រើនជាងមួយ។  អ្នកក៏អាចផ្តល់ហេតុផលតែមួយក៏បានដែរ ប៉ុន្តែវាអាចមានផ្នែក ឬទិដ្ឋភាពលើសពីមួយ។

Question 17

តើកំហុសវណ្ណយុត្តិអាចប៉ះពាល់ដល់ពិន្ទុរបស់ខ្ញុំដូចម្តេច?

Accepted Answer

ប្រសិនបើកំហុសធ្វើឲ្យការសរសេររបស់អ្នកពិបាកយល់ វាអាចកាត់បន្ថយពិន្ទុរបស់អ្នក។  ប្រសិនបើកំហុសមានឥទ្ធិពលតិចតួចលើការយល់ វានឹងមិនប៉ះពាល់ដល់ពិន្ទុរបស់អ្នកច្រើនទេ។

Question 18

តើខ្ញុំត្រូវប្រើរចនាសម្ព័ន្ធប្រយោគផ្សេងៗដើម្បីទទួលបានពិន្ទុល្អចំពោះលំដាប់លំដោយបែបវេយ្យាករណ៍ និងភាពត្រឹមត្រូវមែនទេ?

Accepted Answer

មែនហើយ ប្រសិនបើអ្នកប្រើរចនាសម្ព័ន្ធផ្សេងៗគ្នា អ្នកអាចបង្ហាញថាអ្នកមានការយល់ដឹងកាន់តែស៊ីជម្រៅអំពីភាសាអង់គ្លេស។

Question 19

តើកិច្ចការសរសេរទី 1 និងកិច្ចការសរសេរទី 2 IELTS មានទម្ងន់ស្មើគ្នាទាក់ទងនឹងការដាក់ពិន្ទុដែរឬទេ?

Accepted Answer

ចំពោះតេស្តការសរសេរ IELTS កិច្ចការទី 1 គឺមានតម្លៃពាក់កណ្តាលនៃពិន្ទុកិច្ចការទី 2 ។

តេស្តការសរសេរនៃតេស្ត IELTS ប្រភេទ General Training

ស្វែងយល់បន្ថែម

Video card container

Band scores

Ask IELTS

ដំណឹង និងអត្ថបទដែលបានចុះផ្សាយ

តេស្តការសរសេរនៃតេស្ត IELTS ប្រភេទ General Training

ស្វែងយល់បន្ថែម

Video card container

តើខ្ញុំអាចសរសេរតេស្តរបស់ខ្ញុំជាអក្សរធំទាំងស្រុងបានទេ?

កំហុសទាំង 7 ដែលរារាំងអ្នកពីការទទួលបានពិន្ទុ 7 ឬខ្ពស់ជាងនេះ៖ កិច្ចការសរសេរ ទី 2 នៃតេស្ត IELTS

តើយើងគួររំពឹងទទួលបានប្រធានបទដែលទាក់ទងនឹងជំងឺកូវីដ-19 សម្រាប់តេស្តការនិយាយ និងការសរសេរដែរឬទេ?

ជំហានទាំង 8 ដើម្បីជួយអ្នកទទួលបានពិន្ទុ 8៖ កិច្ចការសរសេរ ទី 2 នៃតេស្ត IELTS

ជំហានទាំង 7 ដើម្បីជួយអ្នកទទួលបានពិន្ទុ 7៖ កិច្ចការសរសេរ ទី 2 នៃតេស្ត IELTS

Will I be penalised if I mix UK and US spelling in my Writing test?

Band scores

Ask IELTS

ដំណឹង និងអត្ថបទដែលបានចុះផ្សាយ