Question 1

តើខ្ញុំអាចប្រើលទ្ធផល IELTS សម្រាប់ការសិក្សារបស់ខ្ញុំក្នុងគោលបំណងធ្វើចំណាកស្រុកបានទេ?

Accepted Answer

IELTS សម្រាប់ការសិក្សា និងតេស្តនៃការបណ្តុះបណ្តាលទូទៅជាប្រភេទតេស្តដាច់ដោយឡែកពីរប្រភេទ សម្រាប់គោលបំណងពីរផ្សេងគ្នា។ សម្រាប់ស្ថាប័នមួយចំនួនអាចទទួលយកលទ្ធផលតេស្តសម្រាប់ការសិក្សាជំនួសវគ្គបណ្តុះបណ្តាលទូទៅបាន ការសម្រេចចិត្តនេះអាស្រ័យលើស្ថាប័ននោះផ្ទាល់។ អ្នកនឹងត្រូវទាក់ទងស្ថាប័នជាក់លាក់របស់អ្នកដើម្បីស្វែងយល់បន្ថែម។

Question 2

តើ IELTS សម្រាប់ UKVI, SELT និង CEFR មានន័យយ៉ាងដូចម្តេច?

Accepted Answer

IELTS សម្រាប់ UKVI ដែលជួនកាលគេហៅថា SELT នោះ៉ គឺដូចគ្នានឹងតេស្ត IELTS ដទៃទៀតដែរ ប៉ុន្តែត្រូវមានវិធានការសន្តិសុខបន្ថែម ដែលតម្រូវដោយរដ្ឋាភិបាលរបស់ចក្រភពអង់គ្លេស។
គ្រោងការណ៍ទូទៅនៃសេចក្តីយោងសម្រាប់ភាសានានានៃសហភាពអ៊ឺរ៉ុប (CEFR) គឺជាស្តង់ដារអន្តរជាតិសម្រាប់ពិពណ៌នាសមត្ថភាពផ្នែកភាសា។ តេស្តនេះពិពណ៌នាអំពីសមត្ថភាពផ្នែកភាសានៅលើមាត្រដ្ឋានដែលមាន 6 ពិន្ទុ រាប់ចាប់ពី A1 សម្រាប់កម្រិតដំបូង រហូតដល់ C2 សម្រាប់អ្នកដែលពូកែភាសា។
ប្រសិនបើអ្នកមានបំណងធ្វើចំណាកស្រុក សិក្សា ឬធ្វើការនៅចក្រភពអង់គ្លេស អ្នកអាចនឹងត្រូវតម្រូវឲ្យធ្វើតេស្ត IELTS សម្រាប់ UKVI។ ប្រើបញ្ជីផ្ទៀងផ្ទាត់ទិដ្ឋាការរបស់រដ្ឋាភិបាលចក្រភពអង់គ្លេសដើម្បីដឹងថាតើអ្នកត្រូវធ្វើតេស្តដែលត្រូវបានអនុម័ត និងតើកម្រិតណាដែលអ្នកត្រូវសម្រេចឲ្យបាន។

Question 3

តើមានខុសគ្នាអ្វីខ្លះរវាងតេស្ត IELTS ប្រភេទ ​Academic និងតេស្ត IELTS ប្រភេទ General Training?

Accepted Answer

ប្រសិនបើអ្នកមានគម្រោងទៅសិក្សានៅគ្រឹះស្ថានឧត្តមសិក្សា ឬស្វែងរកការចុះឈ្មោះជំនាញនៅក្នុងប្រទេសដែលនិយាយភាសាអង់គ្លេស អ្នកប្រហែលជាត្រូវប្រឡងតេស្ត IELTS ប្រភេទ Academic។
តេស្តប្រភេទ General Training មើលទៅលើសមត្ថភាពប្រើប្រាស់ភាសាអង់គ្លេសរបស់អ្នកនៅក្នុងបរិយាកាសការងារ ឬសង្គម។ ប្រសិនបើអ្នកមានគម្រោងទៅសិក្សានៅអនុវិទ្យាល័យ ចុះឈ្មោះចូលវគ្គបណ្តុះបណ្តាលវិជ្ជាជីវៈ ផ្លាស់ប្តូរទីលំនៅទៅធ្វើការនៅបរទេស ឬធ្វើចំណាកស្រុកទៅប្រទេសកាណាដា អូស្រ្តាលី ណូវែលសេឡង់ ចក្រភពអង់គ្លេស ឬសហរដ្ឋអាមេរិក អ្នកប្រហែលជាត្រូវធ្វើតេស្ត IELTS ប្រភេទ General Training។

Question 4

តើមានភាពខុសគ្នាយ៉ាងណារវាងតេស្ត IELTS និងតេស្ត IELTS សម្រាប់ UKVI៕

Accepted Answer

តេស្ត IELTS និងតេស្ត IELTS សម្រាប់ UKVI គឺជាតេស្តតែមួយ បើនិយាយពីទម្រង់ ខ្លឹមសារ ការដាក់ពិន្ទុ និងកម្រិតនៃការលំបាក។ ភាពខុសគ្នាតែមួយគត់នោះគឺតេស្ត IELTS សម្រាប់ UKVI ត្រូវបានអនុម័តដោយក្រសួងមហាផ្ទៃនៃចក្រភពអង់គ្លេសសម្រាប់គោលបំណងទៅធ្វើការ សិក្សា និងធ្វើចំណាកស្រុក។
ប្រសិនបើអ្នកធ្វើតេស្ត IELTS សម្រាប់ UKVI ក្រដាសរបាយការណ៍តេស្តរបស់អ្នកនឹងខុសគ្នាបន្តិចបន្តួចដើម្បីបង្ហាញថា អ្នកបានធ្វើតេស្ត IELTS សម្រាប់ UKVI នៅឯមជ្ឈមណ្ឌលធ្វើតេស្តដែលបានអនុម័ត។

Question 5

តើខ្ញុំត្រូវមានលំដាប់ពិន្ទុណាដើម្បីអាចទៅសិក្សានៅឯបរទេសបាន?

Accepted Answer

លំដាប់ពិន្ទុដែលអ្នកត្រូវការដើម្បីទៅសិក្សានៅបរទេសត្រូវបានកំណត់ដោយស្ថាប័នដែលអ្នកកំពុងដាក់ពាក្យ និងមិនមែនដោយ IELTS ទេ។
ពិន្ទុដែលត្រូវការដើម្បីដាក់ពាក្យសុំចូលវគ្គសិក្សាអាចខុសៗគ្នា អាស្រ័យលើវគ្គសិក្សារបស់ស្ថាប័នដែលអ្នកចង់ដាក់ពាក្យទៅ។ ប្រសិនបើអ្នកមិនប្រាកដថា តើអ្នកត្រូវការលំដាប់ពិន្ទុណាមួយដើម្បីអាចដាក់ពាក្យចូលរៀនក្នុងវគ្គសិក្សាដែលអ្នកចង់រៀន សូមចូលមើល ទំព័រស្តីពីស្ថាប័នដែលទទួលស្គាល់តេស្ត IELTS ឆែកពីរដងជាមួយស្ថាប័នដែលអ្នកចង់ដាក់ពាក្យទៅ។

Question 6

តើខ្ញុំត្រូវមានលំដាប់ពិន្ទុណាដើម្បីអាចធ្វើចំណាកស្រុកទៅបរទេសបាន?

Accepted Answer

លំដាប់ពិន្ទុដែលអ្នកត្រូវការដើម្បីធ្វើចំណាកស្រុកទៅប្រទេសជាក់លាក់មួយអាចខុសៗគ្នា។ ចូរពិនិត្យ ទំព័រស្តីពីអ្នកដែលទទួលស្គាល់តេស្ត IELTS ដើម្បីមើលថាតើលំដាប់ពិន្ទុណាដែលអ្នកត្រូវការ។

Question 7

តើមានខុសគ្នាអ្វីខ្លះរវាងតេស្តធ្វើលើក្រដាស និងតេស្ត IELTS ដែលធ្វើតេស្តតាមកុំព្យូទ័រ?

Accepted Answer

ប្រសិនបើអ្នកជ្រើសរើសធ្វើតេស្ត IELTS លើកុំព្យូទ័រ អ្នកត្រូវធ្វើតេស្តការស្តាប់ ការអាន និងការសរសេរដោយប្រើកុំព្យូទ័រ។
ប្រសិនបើអ្នកធ្វើតេស្ត IELTS លើក្រដាស អ្នកនឹងបំពេញផ្នែកនៃការអាន ការស្តាប់ និងការសរសេរនៅលើក្រដាស។
តេស្តការនិយាយទាំងលើក្រដាស និងលើកុំព្យួទ័រគឺធ្វើផ្ទាល់ទល់មុខគ្នាជាមួយនឹងមន្ត្រីរៀបចំការប្រឡង។ នេះជាវិធីល្អបំផុតក្នុងការវាស់ស្ទង់ជំនាញនិយាយរបស់អ្នក ព្រោះវាត្រូវការវិធីសាស្រ្តប្រាកដនិយមជាងនេះទៀត៖ ការសន្ទនាបែបការពិតជាក់ស្តែងក្នុងជីវិតជាមួយមន្ត្រីរៀបចំការប្រឡង។

Question 8

តើខ្ញុំនឹងសរសេរដោយដៃ ឬប្រើកុំព្យូទ័រចំពោះតេស្ត IELTS របស់ខ្ញុំ?

Accepted Answer

វាអាស្រ័យលើថាតើអ្នកធ្វើតេស្ត IELTS លើក្រដាស ឬកុំព្យូទ័រ។ ប្រសិនបើអ្នកធ្វើតេស្ត IELTS នៅលើកុំព្យូទ័រ អ្នកវាយបញ្ចូលចម្លើយការអាន និងការស្តាប់របស់អ្នកដោយប្រើក្តារចុច។  បើអ្នកធ្វើតេស្តលើក្រដាស ចម្លើយរបស់អ្នកត្រូវបានសរសេរជាខ្មៅដៃ។

Question 9

តើតេស្ត IELTS នីមួយៗមានភាពលំបាកផ្សេងៗគ្នាដែរឬទេ?

Accepted Answer

ឧទាហរណ៍ ចំពោះតេស្តការអាន IELTS ប្រសិនបើតេស្តកាន់តែពិបាក លំដាប់ពិន្ទុត្រូវបានកែសម្រួល។ ដូចគ្នានេះផងដែរ វាអាចផ្អែកលើថាតើអ្នកយល់ដឹងអំពីប្រធានបទបានកម្រិតណា។

តើខ្ញុំត្រូវធ្វើតេស្តមួយណា?

ស្វែងយល់បន្ថែម

ដំណឹង និងអត្ថបទដែលបានចុះផ្សាយ